सुर्खेतको प्रतिष्ठित निजी विद्यालय इगरब्रिज आवासीय माध्यमिक विद्यालयले रसुवाको भोटेकोशी नदीमा आएको विनाशकारी बाढीबाट प्रभावित नागरिकको राहत तथा उद्धारका लागि ९ लाख १५५ रुपैयाँ सहयोग गरेको छ।
विद्यालयका सम्पूर्ण विद्यार्थी, गुरु–गुरुआमा, कर्मचारी तथा विद्यालयको संयुक्त पहलमा संकलित उक्त रकम प्रधानमन्त्री दैवी प्रकोप उद्धार कोषमा जम्मा गरिएको विद्यालयले जनाएको छ।
बाढीका कारण ठूलो जनधनको क्षति भएको अवस्थामा पीडित नागरिकको राहत तथा उद्धारमा सहयोग पुगोस् भन्ने उद्देश्यले विद्यालय परिवारले उक्त रकम सहयोग गरेको जनाएको छ।
विद्यालयले विपद्का समयमा मानवीय सहयोग र सामाजिक उत्तरदायित्व निर्वाह गर्न सबैलाई आ–आफ्नो क्षेत्रबाट सहयोग गर्नसमेत आग्रह गरेको छ।
