कालिकोटको रास्कोटमा जन्मेर खेलक्षेत्रका माध्यमबाट रास्कोटलाइ रास्ट्रमा चिनाएको भन्दै रास्कोट नगरपालिकाले खेलाडीलाइ नगद सहित सम्मान गरेको छ । रास्कोट नगरपालिका वडानं ६ मा जन्मेका भावना फर्साल अघिल्लो महिना काठमाण्डौमा सम्पन्न रास्टिय खेलमा दौड तर्फ ४००र ८०० मिटर दौडमा प्रथम स्थान हासिल गर्न सफल भएको भन्दै नगद १० हजार पुरूस्कार सहित नगर प्रमुख धर्मराज शाहीले सम्मान गर्नु भएको हो । त्यस्तै खेल क्षेत्रमै कर्णाली प्रदेश स्तरीय प्रतियोगितामा जेप्लिङथाेराेमा प्रथम भएका पदम शाही र प्रदेशको २ सय मिटर दौडमा प्रथम हुने मालता शाहीलाइ ५/५ हजार राशीको पुरूस्कार सहित दोसल्लाले सम्मान गरिएको हाम्रा सहकर्मि टिकाराज उपाध्यायले बताउनु भयो । नगरसभाहलमा एक कार्यक्रमको आयोजना गर नगरका खेल प्रशिक्षक जीवन शाहीलाइ पनि खेल क्षेत्रबाट रास्कोटको शिर उचो राखेको भन्दै सम्मान गरिएको हो । सम्मान कार्यक्रममा नगर प्रमुख धर्मराज शाही, कार्यकारी जवानसिह बम , राजनितिक दलका प्रमुख प्रतनिधिहरू लगाएतको सहभागिता रहेको थियो ।