कालिकोट
सुनौला हजार दिनका आमाहरुलाई रास्कोट नगरपालीकाले बहुक्षेत्रीय पोषणयुक्त खाद्य सामाग्री वितरण गरेको छ । हामी बनाउँछौं हाम्रो नगर भन्ने मूलनारालाई आत्मसाथ गर्दै रास्कोट नगरपालीका नगरप्रमुख धर्मराज शाही पोषणले सोमबार एक कार्यक्रमका विच वडा नम्बर १,२ र ३ मा रहेका ३० जना सुनौला हजार दिनका आमाहरूलाई दलिया,खिचडि, खिर हलुवा लगाएतका पोषणयुक्त खाद्य सामाग्री वितरण गर्नु भएको हो ।
सुत्केरी भएका आमाहरुले राम्रो खानेकुरा खान नपाएका कारण बच्चालाई कुपोषण हुने तथा आमा र बच्चा दुवैको स्वास्थ्यमा आउने सक्ने समस्यलाई मध्यनजर गर्दै रास्कोट नगरपालीकाले पछिल्लो समयमा यस्ता कार्यक्रमहरु लार्ई तिव्रता दिएको स्वास्थ्य शाखा प्रमुख जनकराज न्यौपानेको भनाई रहेको छ ।
उक्त कार्यक्रममा नगर प्रमुख धर्मराज शाही पोषण,प्रमुख प्रशासकीय अधिकृत,जवानसिंह बम,स्वास्थ्य शाखा प्रमुख जनकराज न्यौपाने,विभिन्न वडाका वडा अध्यक्ष, राजनिति दलका प्रतिनीधि,विभिन्न शाखाका प्रमुख लगाएतको सहभागितामा पोषण युक्त खाद्य सामाग्री वितरण गरिएको पत्रकार टिकाराज उपाध्यायले बताउनु भयो ।
