कालिकोट शुभकालिका गाउपालिका ३ भर्ता संज्यालवाडामा खाना पकाउने प्रेसरकुकर पट्किदा तीन जना गम्भीर घाइते भएका छन । खाना पकाउने कुकरमा ग्यासभरीएर बिस्फोट भएको  हो । कुकर पड्किदा खाना पकाउन लागेकी ४२ बर्षीया हरिशोभा परियार उनका १० बर्षीया छोरा गणेश परियार र हरीशोभाका देवरका छोरा बर्ष १० का लोकेन्द्र परियार घाइते भएका हुन ।
बिहान ७ बजेको समयमा कुकर पट्केर घाइते भएका उनिहरूलाइ आफन्तले बेलुका ७ बजेमात्रै कालिकोट जिल्ला अस्पताल पुर्याएका छन । उनको घरमा हरीशोभा र एक छोरा र छोरीमात्रै रहेकाले आर्थिक जुटाउन लाग्दा अस्पताल पुर्याउन ढिला भएको उनका आफन्तले बताएका छन । घाइते हरीशोभाको अबस्था गम्भीर रहेको अस्पताल स्रोतको भनाइ छ । घटना भएको जानकारी भए पछी शुभ कालिका गाउँपालिका वडा नं ३ का वडा सदस्य चक्र बहादुर शाहि र गाउँपालिका उपाध्यक्ष धर्मा शाहीले उद्धार गरी अस्पताल सम्मपुर्याउन सहयोग गरेको बताईएको छ ।
उनिहरूको कालिकोट जिल्ला अस्पतालमा उपचार भैरहेको स्वास्थ्यकर्मी प्रकाश अधिकारीले बताउनु भयो ।