कालिकोट जिल्लाको रास्कोट नगरपालिका नगर प्रमुख धर्मराज शाही (पाेषण) नगर उपप्रमुख मनिराज बराल तथा विभिन्न शाखाका प्रमुख तथा प्रतिनिधीहरुले मंगलबार वडा नं.१ र २ मा निमार्णधिन अवस्थामा रहेका योजनाहरूको अनुगमन गर्नु भएको छ ।
नगर प्रमुख धर्मराज शाही , उप प्रमुख मनिराज बराल सहितको अनुगमन टोलीले पालिका भित्रका सम्पूर्ण योजनाका अनुगमनलाइ तिब्रता दिएको हो । निमार्णधिन अवस्थामा रहेका योजनाको कामलाई छिटोछरीतो र गुणस्तरीय साथै पारदर्सी बनाउन समेत नगर प्रमुख शाहीले अनुगमनका क्रममा निर्देशन दिनुभएको छ ।
शाहीले विभिन्न क्षेत्रमा बिभिन्न निकायका योजना कार्यन्वयनमा रहेकाले विकासे कामहरु दिगो बिमास लक्षेसंग सम्बन्धित भैरहेको हुँदा गुणस्तर मापन तथा मूल्याङ्कनका लागि स्थलगत अनुगमन गरेको उहाँको भनाई रहेको थियो ।
विकासमा जवाफदेहिता कायम गर्ने र नागरिकलाई सुशासनको प्रत्याभूति दिलाउन आफूहरुले अनुगमन थालेको र अनुगमनलाई प्रभाबकारी र तिव्रता दिने नगर उपप्रमुख मनिराज बरालकाे भनाई रहेको छ ।