मिति २०८२/०१/१६ गते एउटा अनलाइन मिडिया र सामाजिक सन्जालमा आफु र आफ्नो नेतृत्वको बदनाम गर्ने गरि कमिशन उठाएको र निर्वाचनमा खर्च गरेको भनि आएको समाचार प्रति आफ्नो गम्भिर ध्यान केन्द्रीत भएको रास्कोट नगर प्रमुख धर्मराज शाहीले आफ्नो आधिकारीक फेसबुकपेज मार्फत बताएका छन । माथिल्लो नेतृत्व को नाम जोडेर प्रचारित समाचार प्रति आफ्नो गम्भीर ध्यानाकर्षण भएको बताएका छन । गत स्थानीय निर्वाचनमा आर्थिक लगानी गरेर निर्वाचित भएको, सामुदायिक विद्यालयबाट कमिशन संकलन गरेको भन्ने जस्ता निराधार, कपोकल्पित र भ्रामक समाचारप्रति घोर आपत्ति तथा खेद प्रकट गर्दछु मेयर शाहीले भनेका छन ।
रास्कोट नगर सरकारले गरेका लोकप्रिय, जनमुखी र ऐतिहासिक कामहरूबाट अत्तालिएका केहि व्यक्तिहरु नियोजित रुपमा रास्कोट सरकार र यसको नेतृत्व विरुद्धमा लाग्नु कुनै नौलो र अनौठो बिषय नभएकोउनको भनाई छ ।
मलाई कुनै व्यक्तिले कमिसन वापत दिएको नगद, चेक, कुराकानी गरेको अडियो, भिडियो वा अन्य कुनै प्रमाण भए सार्वजनिक गर्न चुनौती दिन चाहन्छु मेयर शाहीले भनेका छन । मैले गल्ती गरेको भएमा कानून बमोजिम सजायको भागिदार हुन तयार रहेको जानकारी गराउँदै आफुमाथि छानबिन गर्न गराउन आग्रह गर्दछु अन्यथा केहि कुरा अस्वभाविक रुपमा माग गर्ने र सो कुरा दिन नसकिने, नमिल्ने भएपछि व्यक्तिगत तहमा चरीत्र हत्या गर्न काल्पनिक कथा रचना गर्ने कुराले सिंगो पत्रकारिता पेशाको बदनाम हुने गरेको छ उनको दावि छ । आग्रह पुर्वाग्रह राखेर, बार्गेनिङ गरेर लेखिएको समाचारको विरुद्धमा कानूनी उपचार समेत खोजिने शाहीले बताएका छन । उनले आफुले कानुनि उपचार पाउन कानुनि सरसल्ला लिईरहेको मेयर शाहीले बताएका छन ।